Saturday 27 August 2011

هو و أنا


هو ... و ... أنا
\\
انا
___
احبك كثر الدنيا و الكون
كثر ما بمستشفى المجانين جنون
كثر ما شفت ايام الطفوله سالي
وتوم و جيري وافلام كرتون
...

هو
___
أحبش كثر كل اغاني العشق و الفنون
كثر فرحتي بالسفر شهر سبعه
و عدد ما شفت اشجار زيتون
وأفديش بروحي يا ضي القمر
يا نور كل العيون
ابي اقول اعشقك يا حرف النون
بس تراني بالهاء - ااااه يا ويل قلبي - مفتون
..

انا
___
يمكن تحبني
بس اللي يجمعنا اكبر من انه يوصف بالجنون
اشششش ما أكمل
خوفي هلي باسمك يدرون
وتصير انته في خبر كان
او مما يذكرون
...

هو
___
ابي اخلي كل الناس عن حبنا يدرون
والي يريدون لروحي و قلبي يذبحون
ابي اجولها لكل الناس
عشيرتنا و عشيرتكم
وكل البشر بهذا الكون
ترا قلبي لحبها مرهون
ونبضي باسمها ينطق و حيييييل مجنون
وعقلي بدونها لا لا ما يشتغل وفي الهم مسجون
وغير عيونها -- يا بعد كل العيون -- ما في عيون
بيدرون وبقهرهم يموتون
مالي غير الهاء و النون
..

انا
___
انته خبل ولا ويش
هلي بيذبحونك لكن الظاهر خلاص ما تبي تعيش
الحب عذاب و "ادري" و "عادي" ولا تجول ايييييش
قلبي بحبك ينبض من زمن اللافيش
ومن دونك اعوووف الحياه ومابي اعيش
...

هو
___
والله لو يقولون اللي يقولون
لو خناجر بيدهم في وجي يشيلون
ومافي غير حبي لج يبووون يذبحون
هو حرف واحد بهالكون
ما اتنازل عنه
قلبي يحبه وفيه مجنون
...

انا
___
يا ابن الحلال مافي بالموت "عادي
ادري تحبني و ادري قلبي اللي بالحب بادي
وادري انك ابن شيوخ ما تبوس الايادي
لكن ابوي يمشي ع الاصول
نفس اهل البوادي
ما عنده خرابيط حبني و احبك وماسنجر ورسايل بالمداد-ي
اذا تبي بنته تفضل عندنا
يوم الخميس جمعتنا في سبلة الاعياد-ي
والا صرت ل بني سعد
-- تشهد على روحك --
من الاعادي


^^

No comments:

Post a Comment